هنتكلم انهارده عن سماعة سوني الجديده 3D Pulse Headset. و ليه تعتبر السماعه دي من أفضل السماعات أداء مقارنة بالسعر.
كعادة سماعات سوني, الخامه اللي متصنع منها السماعه خامه durable جدا. يعني تقدر تتحمل معاك شد و انحناء و حتى تخبيط. و من أحسن الحاجات اللي سماعات سوني مشهوره بيها هي نوعية التبطين اللي بيستعملوه لأماكن الودان نفسها. التبطين من أريح و أحسن ما يمكن, عشان متتعبش مهما مدة لعبك طالت.

حنلاحظ كمان ان تصميم السماعه مفيهوش مايك يتشال و يتركب. او مايك ظاهر من الأساس. المايك موجود داخل السماعه نفسها Built-in و مش كدا بس, المايك فيه double receivers عشان يضمن نقاء الصوت و كمان بيحسنه, و مش كدا بس, دا بيعزل أي دوشه غير مرغوب فيها و أنت بتتكلم Noise cancelation - Voice Filtration. بحيث انه يضمن أعلى جوده ممكنه.
السماعه Wireless بتشتغل بالبلوتوث Bluetooth و بيجي معاها أدابتور. و كمان بيجي معاها سلك 3.5mm Audio Jack للناس اللي بتفضل السلك.
