PS Plus شرح مبسط ووافي لخدمة ال

خدمة الPS Plus هي خدمة تعتبر بشكل كبير أساسيه لأي لاعب Playstation بيحب يلعب أونلاين.

خدمة الPS Plus (بلايستيشن بلس) هي خدمه باشتراك شهري, أو سنوي بتتيح للمستخدمين انهم يلعبوا الألعاب أونلاين و منغيرها مش هتقدر تلعب أونلاين الا في العاب معينه قليله جدا. مش كدا بس, فيها ميزه كمان مهمه, أنها بتوفر للمشتركين لعبتين مجانيتين كل شهر بيتم تحديدهم بشكل عشوائي و اسمهم Freebies. 

اللعب دي تقدر تستفيد بيها و تحطها على حسابك طول ما انت لسه مشترك في الخدمه. و في حال انتهاء الأشتراك مش هتقدر تستفيد من الألعاب دي تاني الا لو جددت الأشتراك في الخدمه (بتفضل محتفظ بالألعاب في مكتبة العابك بس بيتحط عليها علامة قفل لحين تجديد الاشتراك)

lمش كدا بس, خدمة الPS Plus كمان بتوفرك خصومات حصريه كتيره جدا على الألعاب على الستور, و دا بيوفرلك فلوس على المدى الطويل. 

خدمة الPS Plus بيتم الاشتراك فيها بطريقتين, الأولى عن طريق كروت الخدمه نفسها PS Plus prepaid cards, أو عن طريق الPSN Giftcards و اللي تقدر تحط بيها مقدار معين من الفلوس على حسابك و تشتري من الستور نفسه. 

و في كلا الحالتين لازم تتأكد كويس جدا من الريجون الخاص بحسابك, لأنه لازم يكون نفس ريجون الكروت و لو مش نفس الريجون فالكروت دي مش هتشتغل على حسابك نهائيا.

و كلمة ريجون تعني (الدوله التابع ليها حسابك اللي تم انشاءه)