PlayStation 5 Editions and Accessories | Shamy Stores

PS5 physical Edition

ببساطة حيكون جهاز بلايستيشن 5 اللي حيدعم الاسطوانات و كذلك حيدعم الألعاب الرقمية في نفس الوقت و حيكون كمان داعم لبعض و ليس كل ألعاب بلايستيشن 4 بخاصية Backward Compatibility

PS5 Digital Edition

نظراً لأهتمام الدول الخارجية بالتحميل الرقمي للألعاب لوجود سرعات الأنترنت الفائقة و كذلك توفر الكثير من الأعياد و الخصومات الناتجة عنها و كذلك نظراً لتطبيق قواعد التباعد الاجتماعي و ابتعاد العملاء عن النزول للشارع في فترة وباء كورونا فأن الشراء الرقمي أو الديجيتال أصبح عنصر فعال للشركات سواء لسوني في الجهاز دة أو لأكس بوكس في جهازها الديجيتال القادم تحت عنوان بروجيكت لوكهارت.
الملاحظ أن سوني نزلت لأول مرة في تاريخها جهاز يدعم الألعاب الديجيتال فقط  و دة يوضح أن سعر الجهاز التقليدي حيكون غالي عشان كدة قرروا يكسبوا كل  شرائح العملاء من جانب السعر
فيما يخص تاريخ الأصدار فسوني أعلنت أنه في موسم الأعياد أي متوقع في أخر 3 شهور من السنة
أكتوبر-نوفمبر-ديسمبر ,فيما يخص الأسعار لم يتم الأعلان بأي شكل رسمي أو موثق عن أسعار من طرف سوني و دة مقصود عشان يعرفوا مايكروسوفت حينزلوا جهازهم بكام و كل شركة متكتمة علي السعر الي أن الشركة الثانية تعلن دة، حتي شائعات 750 $ الصادرة عن طريق امازون تم نفيها و أي سعر رسمي و موثق حينزل علي موقع البري الأوردر العالمي للجهاز فقط لا غير

ملحقات جهاز بلايستيشن 5

PS5 Dualsense

اللي بيتميز بميزتين شديدي الأهمية Adaptive Triggers والمقصود هنا بالتقنية دي ببساطة هي عنصر الحساسية و التوتر اللي حيكون في أزرار زي L2/R2 في جهاز بلايستيشن 5
بمعني لو بتلعب لعبة فيها قوس و سهم و بتسحب السهم حتحس بثقل في الزرار كأنك بتسحب شئ ثقيل فعلا
مقاومة حيحس بيها اللاعب في كل الألعاب
لو بتلعب لعبة عربيات و بتدوس بنزين حتشعر بمقاومة  أصعب علي طريق وحل اكتر من طريق أسفلت مثلا
كذلك لو لعبة ضرب نار بشكل صعب حتشعر بأرتداد و ثقل في زرار ضرب النار بشكل عجيب
أو لو خزنة المسدس خلصت أكيد المقاومة دي حتروح

Haptic Feedback

ودي خاصية جديدة بالكامل في محركات و مواتير الحركة الداخلية داخل ذراع بلايستيشن الجديد وتم اضافة محركات و مستشعرات حركة فريدة من نوعها، لو بتلعب لعبة في بيئة صحراوية حتحس الرمال ناعمة و منسابة في أيدك، ولو في صقيع و درجة حرارة علي الثلج حتحس بالأنزلاق علي الجليد في أيدك، ولو بتقفز من مكان عالي حينقل شعور السقوط الحر، وعنصر المقاومة في المياة لو بتعوم عكس التيار حتحس بيه، الأهتزازات في الحركة و كذلك في قيادة سيارة في طريق موحل حتحس بكل العناصر دي.
عشان كدة تم تغيير أسم الذراع لأول مرة من Dualshock إليDual Sense لأنه قائم علي الشعور الكامل بالذراع و عناصر الاضافه تم تغيير زرار Share button الي أسم Create button و حيكون طفرة في البث الرقمي للستريمرز.
الذراع لأول مرة يأتي بمدخل شحن Type-C للشحن السريع وكذلك يحتوي علي ميكروفون داخلي مع وجود مكان أيضا للسماعات بمدخل 3.5 مم.

PS5 HD Camera

مفيش معلومات كتيرة معلن عنها غير أنها حتكون بعدستين بدقة 1080 P و دة حيدي دقة شديدة في البث الرقمي و السحابي.

PS5 Pulse 3D Headset

و السماعة دي  حتكون الوريثة لعرش سماعة جولد و بلاتينوم بصوت ثلاثي مع عزل كامل للأصوات المحيطة و المزعجة، مع تطوير كامل في الأبعاد الصوتية خاصة أن سوني من أكبر شركات الصوتيات في العالم.

PS5 Media Remote

لتشغيل الأفلام و التطبيقات و كذلك يعتمد علي الأوامر الصوتية.
News