٥ حاجات لازم تعمل أكونت عشانها

قدامك اختيارين وانت بتشتري من أي موقع علي الانترنت! والاختيارين هنا ثابتين مش بيتغيروا مهما كان الموقع بيبيع ايه أو إزاي!

الاختيار الأول:

هتدخل تعمل Add to cart وبعدها الـ Checkout وتدخل علي بيانات الدفع وتبقي خلصت!

الاختيار الثاني:

هتعمل حساب في الموقع وتسجل بياناتك زي العنوان ورقم التليفون وبريدك الالكتروني وتبتدي بعدها عملية الشراء.

طيب هل انت عارف ايه الأحسن في الاختيارين دول؟

للوهلة الأولي هتشوف ان الاختيار الأول هو الاسهل، هدخل اكتب البيانات واشتري المنتج اللي انا عايزه وخلاص. لكن لو فكرت في الموضوع بشكل أفضل هتلاقي ان الاختيار الثاني هو الأفضل بكل تأكيد 💯.

لأنك لو اخترت الأول هتبقي مضطر تكتب كل البيانات الخاصه بيك في كل مره تشتري فيها ودي حاجه مرهقة جداً جداً وفيها احتمال كبير للخطأ واللي ممكن يسبلك مشكلة كبيره لو انت مثلاً بتشتري منتج رقمي "Digital Product" زي كروت البلايستيشن وباقي المنصات الرقمية اللي متوفرين عندنا في شامي ستورز. في حين ان الإختيار الثاني هو بكل تأكيد الأسهل والأبسط والأكثر راحة ليك 🤗 لأنك ببساطه هتكتب بياناتك مره واحده بس! مش هتكتب في كل مره ومش هيبقي فيه مجال للخطأ.

احنا بقي في شامي ستورز هنقولك ٥ حاجات هتستفيد بيها لما تعمل أكونت\حساب علي الويب سايت والموبايل أبلكيشن.

    • مشترياتك كلها في مكان واحد 🛒

- تقدر من خلال الحساب الخاص بيك انك تشوف سجل كامل لكل مشترياتك، وتقدر منه تشوف كمان تاريخ كل عمليات الشراء ومدد التوصيل لكل طلب وكمان تقدر تعمل تتبع لكل طلباتك الي في طريقها ليك بالمكان والزمان اللي شحنتك فيها.

صورة من طلباتك من شامي ستورز

    • مش هتلف عشان تشوف العروض 💡

- بمجرد ما هتعمل الحساب الخاص بيك هتستمتع بأفضل خدمة في مصر لتوصيل العروض لحد موبايلك، لأن كل العروض هتتبعتلك علي ايميلك أول بأول. ومش بس عروض شامي ستورز! لا، دا انت كمان توصلك أخر عروض بلايستيشن وأخبار وحصريات عالم الألعاب.

صورة من عرض تم ارساله لعملائنا

    • كل الأكواد اللي اشتريتها موجوده في حسابك 🔐

- لما هتعمل الحساب الخاص بيك هيكون عندك إطلاع كامل علي كل الأكواد والـ Gift Cards اللي انت اشتريتها من أول ما عملت الحساب بالتاريخ ونوع المنتج كمان. ولو الكود موصلش ليك علي الايميل هتلاقيه موجود في الحساب الخاص بيك وتقدر من الأبلكيشن بكل بساطه تشوف الكود بتاعك من غير ما تتعب نفسك.

الاكواد الي اشتريتها سهل الوصول ليها

    • عملت اوردر! طيب شوفت خاصية التتبع للشحنات 👣

- انك تعمل الاوردر دا الخطوة الأولي من سلسلة متكونة من ٣ خطوات (أطلب - استلم - العب)، المرحلة التانيه بقي لما تعمل حساب هتبقي اسهل عليك بكتير لأنك من المساحة الخاصة بيك هتقدر تشوف تتبع تفصيلي للشحنة الخاصة بيك وكمان بمواعيد استلام واضحة وترتيب استلام أفضل من أي خدمة شحن تشوفها في مصر.

صورة من تتبع الشحنه من بوسطة

    • عايز تشتري لعبة مش متوفره؟ هنجيبهالك 😉

- أوقات بتشوف العاب نفسك فيها بس مش بتبقي متاحة حالياً ومش متوفره، لما تعمل حسابك في شامي ستورز كل الألعاب اللي تحتفظ بيها في الـ Wishlist بتاعتك سواء من الويب سايت أو الأبلكيشن هيتبعت ليك بريد أو اشعار علي موبايلك يبلغك بان اللعبة بتاعتك بقت متوفره من تاني وكمان هيبقي ليك أسبقية في الشراء لو العدد محدود من المنتج دا.
صورة توضح الالعاب متوفره في الموقع

طيب ازاي تعمل أكونت \ حساب في شامي ستورز 🤔

- الموضوع أبسط من ما تتخيل، مجرد بيانات بسيطه زي اسمك وبريدك الالكتروني ورقم سري لحسابك هي اللي مطلوبه. وطبعاً احنا معاك بالخطوات لحد ما تخلص انشاء حسابك.


هتروح لصفحة انشاء الحساب من هنا 👈 Create Account

  • هتكتب البيانات الخاصة بيك زي الصورة بالظبط، وبعدها تضغط علي زر Create my account.

    • كتابة بيانات لانشاء الحساب

      • هيظهر لك نموذج Google reCAPTCHA هنضغط علي I'm not a robot.

    google recapcha

    • مبروك عليك حسابك الجديد 🎉 دلوقتي تقدر تتصفح ويب سايت شامي ستورز وتختار المنتج اللي انت محتاجة من أكبر مكتبة منتجات Video Games في مصر 😉

    لو فيه اي مشكلة قابلتك وانت بتسجل علي الموقع أو الموبايل ابلكيشن احنا معاك طوال الأسبوع من الساعه ١١ صباحاً ولحد الساعة ١١ مساءًا علي رقم: 01151518899 أو علي السوشيال ميديا زي فيسبوك وانستجرام وتويتر.