PlayStation 5 - PS5 : ايه اللى احنا عارفينه لحد دلوقتى
جيل جديد فى أجهزة الألعاب
فى 11 يونيو 2020 ، أعلنت شركة سونى من خلال بث مباشر على قناتها الرسمية على يوتيوب عن أحدث إصدار من سلسلة أجهزة الألعاب بلايستيشن و الاصدار حمل اسم "بلايستيشن 5" زى ما كان متوقع من كتير من الناس
الجهاز فاجئ اللاعبين بتصميم جديد و عصرى جداً و كمان تم الإعلان عن الملحقات اللى هتنزل مع الجهاز "يتم بيعها بشكل منفصل" زى الكاميرا و السماعات و ذراع التحكم الجديد اللى تم الإعلان عنه قبل كده
الألعاب اللى تم الإعلان عنها
HORIZON: FORBIDDEN WEST
بعد ما عرفنا إزاى السيطرة اتحولت بالكامل للآلات و بعد مانجحت شركة "جوريللا" المطورة لللعبة و للمحرك ديسيما انها تبهر جمهور اللاعبين بجرافيك قوى و خريطة عملاقة ، هترجع اللعبة من تانى فى جزء جديد حصرياً للبلايستيشن 5
تاريخ الإصدار: 2021
التريلر: اتفرج على التريلر من هنا
RESIDENT EVIL 8: VILLAGE
الجزء السابع من السلسلة سابلنا أسئلة كتير مفيش ليها إجابة ، و مجتمع اللاعبين خاصة محبين اللعبة مستنين كتير من الجزء الأخير فى السلسلة اللى هيكون فيها شخصيات من الأجزاء السابقة ، اللعبه هترجع تاني و هتكون حصرية للبلايستيشن 5
تاريخ الإصدار: 2021 - لم يتم تحديد شهر الإصدار
التريلر: اتفرج على التريلر من هنا
GODFALL
أول لعبة تم الإعلان عن إصدارها لجهاز البلايستيشن 5 ، اللعبة فيها شبه كبير من لعبة "ديستينى" و فيه لاعبين كتير و نقاد بيوصفوها بأنها نسخة الهاك أند سلاش من ديستينى ، بس اللى متأكدين منة إننا على موعد مع العظمة ، اللعبه حصريه للبلايستيشن 5 و هتنزل على الكمبيوتر الشخصى
تاريخ الإصدار: ديسمبر 2020
التريلر: اتفرج على التريلر من هنا
HITMAN III
العميل 47 راجع من تانى فى الإصدار الجديد من سلسلة هيت مان ، صنًاع اللعبة وعدوا اللاعبين بتطوير كبير و قصة تليق بإسم السلسلة و اللى شوفناه من اللعبة ـلحد دلوقتى ـ كان دليل انهم مش بيكدبوا ، اللعبه هتنزل للبلايستيشن 5
تاريخ الإصدار: يناير 2021
التريلر: اتفرج على التريلر من هنا
PROJECT ATHIA
شكل جديد من فاينال فانتاسى؟ ولا حاجه جديدة و مختلفة كلياً ، اللعبة مفيش أى بيانات عنها و لكن الظاهر ان اللعبه هتكون فى عالم خيالى مليان بغابات مصممة بإحترافية و وحوش اسطورية هتقف فى طريقك ، اللعبة هتنزل حصرياً للبلايستيشن 5
تاريخ الإصدار: لم يتم تحديده
التريلر: اتفرج على التريلر من هنا
Spider-Man Miles Morales
محبين الكوميكس عارفين مين هو مايلز موراليس كويس أوى ، و هو واحد من الشخصيات اللى حصلها تقريبا نفس اللى حصل لبيتر باركر و لكن باختلافات بين الحدثين ، و هى تعتبر جزء مشتق من لعبة سبايدر مان الأخيره و بالتالى هنشوف مدينة نيويورك هتبقى عامله ازاى على جهاز البلايستيشن 5
تاريخ الإصدار: موسم أجازات 2020
التريلر: اتفرج على التريلر من هنا
مواصفات بلايستيشن 5
- Processor: AMD Zen 2-based CPU with 8 cores at 3.5GHz
- GPU: 10.28 TFLOPs, 36 CUs at 2.23GHz
- Memory: 16GB GDDR6 / 256-bit
- Internal storage: Custom 825GB SSD
سعر بلايستيشن 5
مفيش سعر محدد لحد دلوقتى
كل الأسعار اللى بيتم تداولها هى عباره عن تكهنات و من مصادر مش موثوقه
لو عايز تعرف السعر أول واحد اكتب ايميلك هنا و هيوصلك السعر أول لما يتم الإعلان عنه
تسلسل لـ أخبار بلايستيشن 5
١١ يونيو ٢٠٢٠
تم الإعلان عن بلايستيشن 5 بشكل رسمى و عرض التصميم الخاص بالجهاز و الملحقات الخاصة به
٨ ابريل ٢٠٢٠
تم الإعلان رسمياً عن ذراع التحكم الخاص بـ بلايستيشن 5
شكل بلايستيشن 5 و الاكسسوارات
