Shamy Club Membership

خلينا نتفق اننا كلنا بنحب الألعاب وان كلنا عايزين نلعب الألعاب اول لما تنزل على طول من غير ما نضيع وقت عشان مفيش حاجه تتحرق علينا، او لو انت أب / أم بتكون عايز تفرح ابنك بلعبة جديدة، أو حتى لو انت Collector قدير الألعاب بالنسباله زي أولاده اللى ميقدرش يستغنى عنهم!

وزي ما اتفقنا في النقطة اللى فاتت هنتفق أكيد ان الأسعار وتوفر الألعاب من الأساس ممكن تكون هي العوامل الأولي والأخيرة لكتير مننا في ظل ارتفاع أسعار الألعاب اللى مش بتقل عن 40 دولار وبتوصل لحد 70 دولار في حالة إنك هتلعب النسخ العادية من اللعبة مش النسخ الأعلى اللى بتديلك مميزات أكتر عشان تكون سابق في اللعبة سواء اونلاين او في طور القصة، او بسبب الطلب العالي على الألعاب فغالبًا اللعب هتكون متوفرة بسعر أعلي وكمان ممكن تكون مش متوفرة حاليًا.

بس مش كل مشاكلنا زي بعض، كل واحد من شركاء نجاحنا عنده مشكلة في موضوع مختلف عن التاني، عشان كده خلينى أقولك دلوقتي المشاكل اللى بيقابلها أكتر من نوع من شركائنا من وقت تأسيس Shamy Stores

شريك نجاحنا اللعيب

  • شريكنا اللعيب دا جيمر جامد عنده قاعده بسيطة "انا عايز ألعب أكتر كمية ممكنه من الألعاب" والقاعدة دي بتوصل في وقتٍ ما انها بتكون مشكلة كبيرة لأن ألعاب كتير يعني فلوس أكتر هتتدفع، يعني تدوير أكتر عشان الاقي لعبة مش متخربشة واللي بيبيعهالي يكون مكان مضمون اعرف ارجع ليه في أي مشكلة هتقابلني!

شريك نجاحنا المسئول

  • شريكنا المسئول هو كل أب أو أم لطفل/شاب في السن من 7 لـ 16 سنة واللي يعتبر سن صعب في العموم، ولو الطفل/الشاب جيمر ساعتها الموضوع بيكون أصعب.
  • اختيارات كتير اوي وغالبًا بيكون صعب على الآباء اختيار المناسب لأولادهم، وساعتها بيكون الاختيار في ايد الابن ولأن الألعاب كتير ومغرية للفئة العمرية دي بيكون عايز يلعب أكتر واكتر وهنا نصطدم بنقطة مهمه! اللعبة الواحدة زي ما قولنا سعرها يتراوح بين 40 – 70 دولار يعني الموضوع مكلف جدًا وهيكون صعب ساعتها اننا نجيب أكتر من لعبة بسبب السعر!

    شريك نجاحنا الـ Collector

    • جيمر رايق يتعامل مع كل أسطوانة العاب انها ابن من أبناؤه، حته من قلبه ميقدرش يستغني عنها، وبيحاول يجمع أكبر مكتبة من الألعاب تحت ايده يلعب اللعبة من هنا ويخلصها وبعدها تتحط على الرف جنب اخواتها بكل فخر كأنها نيشان شرف.
    • بس مش كل الألعاب اللي بيكون عايزها بتتوفر، عشان فيه ألعاب نادرة الوجود ولو موجودة هيكون سعرها في مستوى المواطن النجيب ساويرس! تخيل إنك بتدور على نسخة للعبة اللى صانعها اصلًا ميجيش في باله ان فيه واحد في مصر هيتجنن على اللعبة دي وعايزها في أقرب وقت وأسرع وسيلة ممكنه 😭تفتكر مين اللى ممكن يجيب اللعبة دي أو انها تكون متوفرة عنده في الأساس في قسم "الألعاب النادرة" 🤔

       

      سواء كنت لعيب او مسئول او Collector احنا عملنا لك نظام هيساعدك في مشكلتك، نظام واحد بس هيخليك
      1. تلعب بأرخص سعر.
      2. تلاقى الألعاب بسهولة.
      3. تبدل الألعاب اللى معاك بألعاب تانية.
      4. تبيع الألعاب اللى عندك بأعلى سعر في مصر.
      5. تاخد خصم على أي حاجه انت عايزها سواء جيفت كارد او اكسسوار وطبعًا على الألعاب الجديدة والمستعملة.

       

      رحب معانا بـ Shamy Club

      ليه عملنا Shamy Club؟

      في المتاجر الكبيرة في كل العالم بتلاقي أسطوانات مستعملة متوفرة في كل مكان، ألعاب أصحابها خلصوها وخلاص عايزين يلعبوا ألعاب تانية فالشركات دي بتعرض الألعاب بأسعار أرخص من اللعب الجديدة.

      احنا بقي خدنا الفكرة دي ونظمناها، خلينا الفكرة منظمة أكتر عشان الجيمر المصري ظروفه مختلفة أكيد سواء لفرق سعر العملة او لأن الألعاب مش بتتوفر باستمرار ولو توفرت هتكون غالبًا اللعبة متخربشة او مش شغاله من الأساس، الفكرة في إنك تلعب أكتر ودا الهدف اللى عشان نحققه عملنا Shamy Club.

       

      ايه هو Shamy Club؟

      هو نظام اشتراك بمدد محدده (المدد الحالية: 3،6،12 شهر) بتتيح لشريك نجاحنا انه يشترى بسعر قليل عشان يلعب أكتر! وكمان بيتيح إمكانية تبديل الألعاب ببعضها، ودي هتخلي العميل يلعب أي لعبة في كولكشن ألعابنا اللى بيضم أكتر من 800 لعبة مختلفة لكل المنصات المتعارف عليها زي بلايستيشن 3، 4، 5 وإكسبوكس 360، 1، Series X/S ونينتندو سويتش.

      ومش بس التبديل، شريكنا كمان هيوفر وهو بيشتري أي منتج بنسب مختلفة حسب المنتج وبتوصل ل 10% على منتجات مهمة جدًا، دا غير إنك هتستمتع بمميزات تانية حصرية زي نشرة أخبار Shamy Club الأسبوعية واللي هيكون فيها كل الجديد حسب اهتماماتك وهتوصلك العروض فيها قبل ما تبدأ وكمان هيتوفر ليك خط ساخن لأي مشكلة تقابلك، ومميزات تانية كتير هتكتشفها لما تشترك معانا في نظامنا الجديد.

       

      هل Shamy Club مناسب ليا؟

      زي ما إتكلمنا في الأول ان شركائنا مُقسمين لـ 3 تقسيمات وهم: اللعيب، المسئول، والـ Collector

      ازاي شريكنا اللعيب هيستفيد؟

      ازيك يا لعيب، اتفقنا إنك عايز تلعب كتير، واحنا هنا عشان نساعدك طبعًا وعشان كده لو اشتركت في Shamy Club هنخليك تلعب ألعاب زي

      The last of us: Part 2، Assassin’s Creed: Valhalla، Horizon: Forbidden West، Gran Turismo 7
      وأكتر بـ 100 جنية بس لكل لعبة 😁
      مش مصدق! تعالي أشرحلك بالتفصيل 🤗
      • نبدأ من الأول، انت هتشترك في Shamy Club من فروعنا أو من الويب سايت أو من الموبايل أبلكيشن.
      • في يوم دخلت على الويب سايت واخترت لعبة Valhalla مستعمله اللى سعرها بعد خصم Shamy Club 600 جنية واشتريتها.
      • اللعبة وصلتك ولعبتها وخلصتها.
      • تتواصل معانا عشان تبدل اللعبة سواء اونلاين على منصات التواصل الاجتماعي او من الويب سايت او من الموبايل أبلكيشن أو من أي فرع لينا، وبما إنك عضو فعال في Shamy Club هناخد منك اللعبة ب -100 جنية من سعرها مستعمل اللى انت اشتريت بيه، يعني هيكون في حسابك عندنا 500 جنية لأن في مثالنا دا انت أخدت لعبة بـ 600 جنية.

      احسب معايا، اشتريت بـ 600 جنية، لعبت وانبسطت وخلصت اللعبة وعملت Review كمان، روحت أبدلها من عند Shamy Stores اخدوا منى اللعبة بـ 500 يبقي انا لعبت بكام؟ - صح 👌انت لعبت AC: Valhalla بـ 100 جنية بس ❤️

      طيب الـ 500 جنية اللى معايا في حسابي اشترى بيهم تاني؟ - ايوه، والعب وانبسط بألعاب كتير أقل من 500 جنية عندنا! ولما تخلصها هتديهالنا وهيكون معاك 400 جنية في حسابك!

      Liquid – Under or = 500

      طيب الـ 400 جنية اللى معايا في حسابي اشترى بيهم تاني؟ - ايوه، والعب وانبسط بألعاب كتير أقل من 400 جنية عندنا! ولما تخلصها هتديهالنا وهيكون معاك 300 جنية في حسابك!

      Liquid – Under or = 400

      طيب الـ 300 جنية اللى معايا في حسابي اشترى بيهم تاني؟ - ايوه، والعب وانبسط بألعاب كتير أقل من 300 جنية عندنا! ولما تخلصها هتديهالنا وهيكون معاك 200 جنية في حسابك!

      Liquid – Under or = 300

      طيب الـ 200 جنية اللى معايا في حسابي اشترى بيهم تاني؟ - ايوه، والعب وانبسط بألعاب كتير أقل من 200 جنية عندنا! ولما تخلصها هتديهالنا وهيكون معاك 100 جنية في حسابك!

      Liquid – Under or = 200

      عارفك بتفكر في ايه والجواب "أيوه، بيتوفر عندنا ألعاب بأقل من 100 جنية بس بتكون قليلة جدًا".

      تيجي نحسب تاني؟ انت دفعت 600 جنية بس أول مرة من أيام ما اشتريت AC: Valhalla ودلوقتي انت معاك في حسابك 100 جنية بس لعبت 5 ألعاب!!
      في حين ان كل لعبة من دول لو اشتريتهم تلعبهم كلهم بأكتر من 3000 جنية! انت متخيل اشتراك Shamy Club وفر عليك قد ايه! ومش بس كده احنا قولنا اننا منظمين لك الموضوع أكتر من كده 😍 انت كمان لو لعيب تقيل من اللى بيجروا في القصة وخلصت اللعبة في أقل من 10 أيام بس احنا مش هناخدها منك بخصم 100 جنية من سعر شرائك ليها! احنا هنخصم 50 جنية بس عشان انت لعيب كبير تستحق التحية على الإنجاز دا 😁

      دا غير شوية مميزات على جنب كده لزوم الترويق على شريك نجاحنا ❤️

      • خصم على أسطوانات الألعاب جديد من 25 لـ 50 جنية ومستعمل 50 جنية.
      • خصم على الإكسسوارات وملحقات الأجهزة 10% على المنتجات الأقل من 200 جنية وخصم 5% على المنتجات الأعلى من 200 وأقل من 2000 جنية.
      • خصم على الـ Gift Cards 5% على الكروت الأقل من 200 جنية و3% على الكروت الأكبر من 200 جنية بدون أي حد أقصى.
      • حماية لمدة شهرين من تغيير السعر “Price Protection” عشان لو اشتريت لعبة مستعملة تعرف تبدل بنفس السعر اللى انت اشتريت بيه لمدة شهرين حتى لو سعرها بقي أقل.
      • خصم على صيانة الأجهزة والكونترولر في مركز صيانة Shamy Stores.
      • إمكانية الوصول لقسم الألعاب النادرة واللي بتتحدث باستمرار ودي هتلاقي فيها كل الألعاب اللى صعب تلقاها في أي مكان تاني بحالة كويسة، بس احنا بنوفرها ليك وبسعر أقل بكتير من أي سعر في مصر.
      • أحسن سعر لبيع ألعابك طالما حالة اللعبة ممتازة نشتريها منك بسعر مش هتعرف تبيع ألعابك بيه في اى مكان في مصر.
      • إمكانية طلب أي منتج مخصوص زي ألعاب ال Collectors وهيتم توفيره ليك في أسرع وقت وبأرخص سعر تشوفه في أي مكان.
      • أولوية في دخول مزادات Shamy Stores بدون الحاجة لأي مبلغ مدفوع مقدمًا للاشتراك في المزادات.
      • نشرة أسبوعية هتوصل لك على الايميل فيها كل الأحداث اللى حصلت في الأسبوع وكمان العروض والخصومات اللى هنعملها أو العروض الحالية على ستور PlayStation او Xbox الديجيتال.