؟Backwards Compatibility, Smart Delivery - أيه هم
لسنين طويله جدا و الناس بتطلب من سوني ميزه مهمه جدا, ميزه كل الناس نفسها فيها و كان لازم سوني تستجيب. عشان لو سوني ما استجابتش, الناس كانت هتبدأ تروح للفريق المنافس. الميزه اللي احنا بنتكلم عليها انهارده هي ال Backwards Compatibility. و الميزه دي هي فكرة تشغيل الألعاب القديمه اللي من الأجيال القديمه, على الجيل الحالي.
الناس اللي معظم لعبها على الPC مش بيفرق معاهم الكلام دا في معظم الأحيان. بس الconsole gamers بيفرق معاهم جدا. بس اللي كتير مننا ممكن ميكونش عارفينه ان الميزه دي عشان تتعمل في الحقيقه هتكون خطوه معقده شويه. عشان كدا سوني في الأول مكانتش عايزه توفرها. و سبب التعقيد دا بيرجع ان كل جيل من الconsoles بيستعمل معماريه جديده architectures. و عشان المطورين يقدروا يشغلوا الألعاب القديمه على قطع الهاردوير الجديده هي بالفعل عمليه محتاجه صبر و توسع و وقت, عشان يقدر يظبط القطع الحديثه انها تقدر تتعامل و تحاكي نظم الألعاب القديمه.
و لكن بالفعل Sony قررت و قدرت أنها توفر الميزه دي في البلايستيشن 5. عشان كدا التحديث للPlaystation 5 هي خطوه كويسه, حتى لو لسه مش متوفرله كمية العاب بنفس غزارة الPlaystation 4 مثلا. لأنك حتقدر تستمتع بلعب الPlaystation 5 الجديده بالاضافه انك حتسمتع بلعب الPlaystation 4 بس بتجربه أحسن و سلسه أكتر و كفاءه أعلى بكتير جدا عن الPlaystation 4.
طب وال Smart Delivery?
دي ميزه مشابهه شوية للBakcwards Compatibility و لكنها تفرق برضو شويه, و على عكس الBackwards Compatibility الميزه دي بتكون في الألعاب نفسها, مش في الكونسول. و الميزه دي مطورين الألعاب بيستغلوها و يلعبوا عليها عشان يقدموا تجربه أحسن بكتير جدا لللاعبين. و الميزه دي بتقدر انها ترفع كفاءه اللعبه و تحسن الجرافيكس و الأداء بتاع اللعبه بحيث انك تحس بفرق الأجيال, و تستفيد بمزايا الجيل الجديد حتى لو اللعبه أصلا نازله للجيل القديم. بتزيد كفاءتها Automatically و بتقدر تلعبها كأنها للجيل الجديد بالظبط. هل كل اللعب بتدعم الموضوع دا؟ لأ, لأن دا قرار بيرجع للمطور في الأول و الأخر. بس عندنا العاب موجوده حايا بتعمل دا, زي Assassin's Creed Valhalla و Call of Duty: Cold War
و الميزه دي معموله حاليا للأكس بوكس سيريز اكس( Xbox Series X) و لكن في أشاعات بتقول ان سوني بتجهز لميزه مشابهه ليها على أجهزة الPlaystation 5.
Backwards compatibilityMicrosoftPlaystation 4Playstation 5Ps4Ps5Smart deliverySonyXbox

Leave a comment

All comments are moderated before being published