محدش يقدر ينكر ان الPS5 جهاز قوي. و ان الفتره دي بالنسبه للجيمينج كونسولز هي أكتر فتره كان في تقارب في ادئاها مقارنة بالPC. بس الجهاز نفسه مش هو الجزء اللي عبقرية سوني اتضحت فيه.
الDualsense هو اسم كنترولر الPlaystation 5 الجديد. الكنترولر دا يعتبر طفره في عالم صناعة الألعاب.
كلنا عارفين ان الكنترولرز بتيجي بمواتير, هدف المواتير دي الأساسي انها توفر احساس ملموس للي بيحصل في اللعبه, و الى حد كبير, دا قدر يتحقق في أجيال الأجهزه اللي فاتت سواء بلايستيشن او اكس بوكس. بس المره دي الأحساس مختلف تماما.
Sony قدرت تغير مواتير الcontrollers بتاعتها في الجيل الجديد لمواتير بتكنولوجيا متطوره جدا مش بس بتحاول تقرب الأحساس. لأ, دي بتحاكي الأحساس الفعلي للحركه في أماكن مختلفه. بمعنى, انك لو ماشي على معدن هتلاقي ذبذبات مختلفة عن لو كنت بتعوم عن لو كنت ماشي على تلج او حتى رمله. مش كدا و بس, سوني كمان قدرت تحط مستويات شده على زراير الR2 و الL2 بتوعها عشان يدي مقاومة و رد فعل على حسب الفعل اللي بتقوم بيه الشخصيه جوه اللعبة.
في الحقيقة, كونترولر الPlaystation 5 هو بالفعل أحسن كونترولر نزل في العالم لحد دلوقتي و الPlaystation 5 بيخدم المزايا اللي الكونترولر بيتمتع بيها, عشان في الأخر يوصلك احساس مختلف و تجربة فعلا فريده من نوعها.