!Agent 47 is BACK
لعبة Hitman 3 من الألعاب اللى كلنا مستنينها من فترة كبيرة، لعبة الإغتيال والتجسس الأشهر رجعت لينا من تانى فى عالم أكبر ومهمات أصعب وأكثر تعقيداً.
المعلومة الأولى: عالم اللعبة
لعبة Hitman 3 هى النتيجة الدرامية المعقولة والطبيعية للثلاثية، واللى هتكون فى أجزاء جديدة من العالم وهيرجع فيها العميل الأكثر احترافية 47 لقبول أهم عقود الإغتيالات على الإطلاق فى مسيرتة، واللى بتكون بعد دعم من مديرة المنظمة "ديانا بيرنوود" اللى هتخلية يرجع ينضم لزميله القديم "لوكاس جراى" فى مهمة خطيرة جداً واللى العالم اللى احنا عارفينه هيتغير بعد تنفيذها.
المعلومة الثانية: ديناميكية اللعب
كل مهمة فى عالم Hitman 3 هتكون فى مكان مختلف وكل مكان هيكون فيه عدد كبير جداً من العناصر اللى هتساعد فى انك تستمتع باللعبة ودا عن طريق تقنية Glacier اللى هتخلى العالم المحيط بيك يتيح لك فرص مختلفة لإنهاء المهمات والأهداف بأشكال مختلفة ولا مثيل لها، ودا اللى هيخلى اللعبة أكثر تفاعليه وحياة من أى وقت فات.
المعلومة الثالثة: الناشر هو المطور لأول مرة
شركة IO Interactive أعلنت ان اللعبة هتكون من تطويرها ونشرها للسوق لأول مرة، والشركة قالت ان دى خطوة طبيعية للعبة هتكون الإصدار الأخير فى الثلاثية الملحمية لأنها هتكون من المطور للاعب على طول ومش هيتدخل فى اللعبة أى حد تانى، وبكدة يكون الاستوديو وصل لللاعبين اللى هو محتاج يقوله او يبرزة فى اللعبة بدون تعديل لأى سبب من ناش، وأعربت الشركة انها جاهزة جداً للتحدى الجديد دا وتتمنى ان اللاعبين يكونوا متحمسين لدا.
المعلومة الرابعة : اللعبة كاملة
تم التأكيد من ان اللعبة هتكون كاملة بدون اى محتوى يجب تنزيلة، اللعبة هتكون فى 6 مناطق فى العالم وتم الاعلان ان البداية هتكون من دبى وتحديداً من اعلى نقطة فى برج خليفة، وتم الإعلان ان مدينة تشونغتشينغ الصينية هتكون واحدة من المدن اللى هتزورها خلال اللعبة.
المعلومة الخامسة: ميعاد الإصدار، الأجهزة المدعومة والترقية المجانية
اللعبة صدرت بالفعل اليوم وهتكون متوفرة لأجهزة: PlayStation 5 و PlayStation 4 و Xbox Series X و Xbox One والـ PC.
واللعبة متاح فيها الترقية المجانية من PS4 الى PS5 بشكل طبيعى ودى ميزة مهمة جداً للاعبين اللى فى انتظار شراء الجهاز الجديد من شركة سونى.
اللعبة بشكل مبدئى جميلة، عالم كبير وتفاصيل مبهرة وكمان عالم متفاعل معاك عشان يديلك أكتر من طريقة لانجاز مهماتك، كل دى حجات تخليك تشترى اللعبة اللى احنا موفرينهالك بأحسن سعر واسرع خدمة توصيل لحد باب البيت من غير ما تتعب نفسك.