لعبة زي  كنترول من إنتاج "ريميدى ستوديوز" ممكن متكونش لكل الناس لكن مينفعش تنكر انها قدمت زاوية جديدة في عالم الجيمينج من التقديم  الي يخطف العين و شكل و أجواء ، اللعبة حاجه كدا خرافية مفيش لعبة تيجي جنبها حتي و بالذات الموقع اللى بتدور فيه   اللعبة "البيت القديم" مكان غريب ملوش تاريخ لان محدش يعرف مين الي عمله او مين الي بناه وهو اتبني ليه اساسا ممكن تعتبره مبني عادي و تعدي جنبه كل يوم و ميدخلش دماغك لكن من جوة ده بوابه كونية متصلة بعدة عوالم و اكوان متصلة ببعض و شكله الداخلي دايما بيتغير و عمره ما بيكون علي نفس الشكل.

جزء كبير في اللعبة عجبني في الجيم بلاى من امتع اللعب يمكن تكون امتع لعبة لعبتها احسن لعبة عرفت تستخدم القدرات الخارقة زي التحريك الذهنى  و الطيران بقوة الإرادة  و اللى قدرت تشكل جيم بلاى  مفيهوش ذرة ملل و غير سلاح الشخصية الرئيسية  "چيسى فايدن"  الي عنده ٥ أشكال مختلفة من أول ولحد أسلحة الطلق الآلى دا غير ان كل شكل  له استخدامه و وقته و ممكن تغير و تبدل فيهم براحتك.

اللعبة فكرتها الأساسية بتدور حول مبنى مكتب التحكم الفيدرالي و هي منظمة أمريكية حكومية مكلفة بحفظ و دراسة الظواهر التي تخالف قواعد الطبيعة و بطلة القصة چيسى بصفتها المديرة الجديدة لهذا المبني بتستخدم قدراتها و اسلحتها للتغلب علي الـ "هييس"  قوة غامضه دخلت فعالمنا و في نفس الوقت تدور علي أخوها  "ديلان"  الي تم اختطافه بعد احداث غريبة حدثت في مدينتهم وأكتر حاجه بتميز اللعبة دي عن أي لعبة تانية هي الشخصيات وجود  شخصيات غامضه بتضيف لعامل الغموض و فهم القصة بشكل عام و هنشرح جزء منهم

جاءت في رحلة للبحث عن اخوها و اكتشفت عالم اخر صامت في المبنى.

اللي كل الادلة بتدل انه إله في وسط البشر لإنه بصفته عامل نظافة هو له الحرية في التنقل لأي مكان داخل المبني و هو المكلف بالحفاظ علي المبني و ذلك يعني الحفاظ علي العالم من الكوارث التي تحدث داخل المبني و بصفته هو الحارس فهو يحتاج الي خادم و الوظيفة هذه تناسب  بطلتنا حيث كلفها بأمور بسيطة لكن نظام الحياة يعتمد عليها.

مع كل اللي اتقال فوق ده لسة محكيتش ١٠٪ من الي بيحصل في اللعبة و الباقي علي اللاعب نفسه بقى .. لعبة زى كنترول بتعتمد علي حب اللاعب للإستكشاف و الإستطلاع في العالم الي بتدور فيه الاحداث الغريبة دي و بترميك في وسط القصة و تخليك تستكشف العالم المفتوح المعمول بحب و إبداع كل شبر فيه قابل للكسر الي بتضيف لعامل الواقعية في اللعبة.

حتي مع وجود اخطاء كتيير زي الفريم دروب الموجودة بكثرة لكن قدرت اتخطاها و عرفت اجيب اول بلاتنيوم تروفى ليا من كتر حبي للتحفة الفنية دي.

Control 4\5 ❤️