Shadow of the colossus - أكتر من مجرد لعبة
Reviewed & Written by

Karim Abdelhamid

لما حد يقولك الالعاب مفيهاش اي حس فني ببساطة شديدة توريله اللعبة دي

Shadow of the colossus

لعبة تستاهل إعادة التطوير على البلايستيشن ٤ و البلايستيشن ٣ و علي البلايستيشن ٥ لما ينزل كمان

ان لعبة زي دي تبقي نازلة ف ٢٠٠٥ بفكرة مبسطة و قصة مش معقدة و سهلة جدا  و تفضل شداك لحد اخر اللعبة علشان تعرف ايه الي هيحصل فالاخر

يبقي طبعا لازم نشكر الشركة الي عملت إعادة التطوير ده و أكتر من إعادة تطوير لألعاب زى  تاني زي و أنشارتد كولكشن و جراڤيتى راش و التحفة الفنية اللي لسة مخلصها دي و اتمني ان كل الجيمرز يخوضوا التجربة دي علي الاقل مرة واحدة

shadow of the colossus review | Shamy Stores

القصة

 "واندر" هو بطل الرواية الأساسي الصامت التي نخوض القصة من خلاله الشخص الغريب من البلاد الغريبة

يدخل البلاد المحرمة لينقذ روح حبيبته "مونو" علي حصانه الاسود و لكن يخبره "دورمين" انه يجب قتل ال ١٦ عملاق لاحياء حبيبته

قصة بسيطة جدا و مفيهاش اي صعوبة ازاي بقى تقدر تخليك دايما تحس بمشاعر مختلفة طول القصة زي الحب، الخوف، التعاطف و الندم

الحب

 "واندر" بيوريك هنا انت ممكن تعمل ايه علشان ترجع شخص انت بتحبه "دورمين"  لما قاله انه يقتل ال١٦ عملاق مسالش حتي ليه او فين لا بالعكس خد الدليل و السيف في ايد و حبل حصانه في ايد و دور و قتل كل واحد فيهم علشان يرجع  حبيبتة

الخوف

ان معظم العمالقه الي بتلاعبهم بيبقوا قد المباني و النص التاني طيارت بتطير و ال ٢ منهم قد منزل صغير دا فعلا بيحسسك بصغرك و قد ايه انت ولا حاجه في عالم اكبر منك بكتير و حاجات اكبر منك بمراحل و انك تدخل علي كل واحد فيهم بطريقه غير التاني هنا بقى بيلعب علي حتة الخوف.

 

shadow of the colossus review - shamy stores

 

التعاطف و الندم

SCE Japan Studio و Team Ico

لما عملو العمالقه عملوا كل واحد فيهم بشكل بس المشترك ما بينهم  كان حاجه وحدة العينين ، كل اما بتيجي تدخل علي عملاق جديد اغلب الأحيان بتتعرف عليه من تحت و تفضل تطلع و تقع و تطلع و تقع لحد اما توصل لدماغه فوق الي ممكن تموته منها لما توصل لفوق دايما الكاميرا بتلف و بتيجي من قدام العملاق و بتوريك  حتة مهمة جدا العينين بتوريك ان اول ما توصل فوق ازاي هو بحجمه دا مش هيعرف يعملك حاجه خلاص بيبين ازاي هو بقى ضعيف و قاعد بيتألم مع كل ضربة بتديهاله و حتي عينيه بترجع زرقة تاني و بتحسسك ان دي فعلا روح اللي انت قاعد بتدبح فيها بعنف دي و بيخليك تتعاطف مع الروح دي اول ما بتموته هو الي بيرجعك تاني بروحه للمعبد الأساسي.

 

shadow of the colossus review - shamy stores

 

العالم المفتوح العظيم من البحيرات لأودية جافة هنا و الشلالات و الصحاري مكان جميل جدا للعين و عجبني كل شبر فيه و انا بكتشفه و طبعا قتال العمالقة  اللي الموسيقى بتاعتها تم تلحينها بشكل دقيق جدا و روعة و كل  قتال موسيقى غير الي قبله فعلا بتحسسك بحب الناس الي عملت اللعبة و المجهود الي دخل في عمل اللعبة دي.

و بعد كل ده طبعا للأسف مفيش لعبة كاملة من كل النواحي دي كانت كاملة في القصة بس حتة التحكم هي وقعت فيها  ، تحكم سيئ جدا بتتحسسك فعلا ان دي لعبة بلايستيشن ٢ و كاميرا غريبة طول ما انا راكب الحصان بلاقي الشجر و الارض بيخبطوا في الكامير و مبقتش بشوف حاجه
هي دي كانت الإيجابيات و السلبيات اللي في اللعبة اتمني يكون عجبكم التقرير ده و مع بعض تاني في اللعبة الجاية إن شاء الله

Shadow of the Colossus
3/5 💙 

Karim abdelhamidShadow of the colossus

Leave a comment

All comments are moderated before being published

Featured products

Mem. PriceSave 50 EGP
Shamy Stores Death Stranding (PS4) PS4 Game Kojima Productions Kojima Productions egypt
Death Stranding (PS4)
640 EGP 690 EGP
Mem. PriceSave 50 EGP
Shamy Stores The Last of Us Part 2 (PS4) PS4 Game Naughty Dog Naughty Dog egypt