في أغلب الأحيان الألعاب دي بتكون تكلفتها أقل بكتير عن الألعاب الAAA و في نفس الوقت مش بتكون بنفس مستوى واقعية الألعاب التانيه ذات تكلفة الأنتاج الأعلى. بس دا مش معناه انها أوحش. بالعكس تماما.
الألعاب الأندي في معظم الأحيان بتكون أفضل من الألعاب الAAA عشان بتعرضلنا أفكار جديده و طرق لعب شركات الAAA مش بتعرضهالنا. الجزء السئ في العاب الAAA هو ان المطورين بيتم الضغط عليهم في نطاق تصاميم معينه نقدر نقول عليها امنه لحد ما عشان فلوس المستثمرين متروحش و ميخسروش في الألعاب دي. و دا بيسببلنا أزمه شويه و هي ان اللعب بدأت تحس أنها متكرره, و انها معموله عشان يجمعوا بيها فلوس و مش موجهه أنها تكون لعبه بتقدم أفكار جديده.
و هنا اللعب الأندي بتظهرلنا عشان تكسر الحلقه المفرغه دي, و تقدملنا أفكار و طريقة العاب الاستوديوهات الAAA بتخاف تغامر و تقدمها.
الألعاب الأندي بتقدم قصص جميله جدا و طرق لعب فريده من نوعها و عندنا أمثله عظيمه على ألعاب بالمنظر دا هنرشحها ليكم عشان تقدروا تعيشوا تجربه مختلفه عن اللي متعودين عليه.
و الجميل في الألعاب الIndie انها مش بس حلوه, دا كمان سعرها بيكون أقل بكتير عن الألعاب الAAA. و بتترواح أسعار الألعاب الIndie من 10$ - 30$ على عكس الألعاب الAAA اللي بيتراوح سعرها بين 60$-70$
1- Abzu
2- Gris
3- Journey
4- Hollow Knight
5- Undertale
