عبقرية لعبة Control لسه مخلصتش, عشان الاستوديو قرر انهم هيمضوا عقد مع الناشر لتطوير جزء جديد من اللعبه بعنوان Condor و اللي هتتواجد في نفس العالم الخاص بلعبة Control بس بشكل جديد.
الناشر الأصلي للعبة Control كان اسمهم (505Games) و أشادوا بنجاح الجزء الأول اللي مبيعاته تخطت ال2 مليون نسخه و أرباح تخطت ال70 مليون يورو. و قرروا أنهم ينزلوا جزء جديد من اللعبه بعنواو Condor فكرة الجيمبلاي فيه قائمه على اللعب الجماعي Multiplayer.
و السبب في القرار دا أنهم شايفين ان الألعاب الMultiplayer هتتيح لللاعبين تكرارية اللعب منغير زهق أو ملل و ان عمر الألعاب الMultiplayer الافتراضي أكبر من الألعاب الSingle Player.
و مش كدا و بس دول أعلنوا خططهم المستقبليه في تطوير جزء جديد من لعبة كونترول بتكلفه انتاجيه أعلى, و دا معناه اننا هنشوف مستوى أعلى في الجيمبلاي و الجرافكس مع ان لعبة Control الأولى في حد ذاتها محسستناش ابدا ان تكلفة انتاجها بسيطه.
في رأيي الشخصي Control تعتبر واحده من أفضل و أمتع و أغرب الألعاب اللي لعبتها من زمن طويل, و كنت مبهور جدا بطريقة بناء العالم و طريقة ميكانيزم الجيمبلاي العبقري للعبه دي, و في الواقع انا متشوق جدا اني اشوف اصدارات تابع للسلسله دي.