يوكو تارو Yoko Taro, هو المخرج العبقري وراء السلسله العظيمه, سلسلة العاب Nier. العاب يوكو تارو في الغالب من نوع الHack and Slash.
ايه المميز في العاب يوكو تارو؟
العاب يوكو تارو و تصميمها في الغالب بيعتمد على كذا نهايه عشان تفهم القصه كامله. مثال على كدا لعبة Nier: Automata اللي فيها 25 نهايه! 5 منهم اساسيين و 20 فرعيين. و كذلك لعبة Nier: Gestlat او بعد الremaster اسمها بقى Nier: Replicant و اللي برضوا فيها كذا نهايه و من كذا منظور مختلف.
في تصريح مهم جدا ل يوكو تارو قال فيه بعد اخراجه لعبة Nier و كان ساعتها خلص شغل على اللعبه الأولى من السلسله لعبة Drakengard:
اختصار التصريح, ان يوكو تارو خلال أحداث Drakengard و غيرها من الألعاب اللي بتديك مكافئات لما تقتل (الأشرار), كان شايف انها حاجه غريبه ان حد يتكافئ لمجرد انه قتل غيره, او لمجرد ان الشخصيات الأساسيه شايفه الاشرار أشرار لمجرد اختلافهم في وجهات النظر. الموضوع دا فضل محيره جدا, هل الأشرار أشرار فعلا ولا هم أشرار عشان احنا مش متقبلين أفكارهم و مستغربينها عن أفكارنا؟ في نفس الوقت دا بدأ يشتغل على السلسله اللي بتخليك دائما في حالة تساؤل. مين فينا اللي صح؟
مين فينا الشرير؟
لو شبهنا الخير و الشر بالأبيض و الأسود, هنلاقي ان العاب Yoko Taro كلها رمادي, مفيش رد قاطع لأي سؤال عندك. لعب كل فكرتها انك تفكر و تسأل نفسك أسئله فلسفيه عشان تحاول توصل لاجابه.
العاب يوكو تارو بتخليك تفكر في كل قرار قبل ما تاخده و عشان كدا Yoko Taro يعتبر نابغه في عالم الألعاب و من أعظم المخرجين و العابه ناجحه نجاح باهر خصوصا برا مصر و تقييماتها شبه ممتازه.