Death Stranding - ليه لازم تجربها؟

الناس بنوا جدران حولهم و ابتدوا يعيشوا فى عزلة

دا كان تويت لصانع الألعاب المعروف هيديو كوجيما قبل نزول اللعبة بحوالى 5 شهور ، و دى الفترة اللى كانت أخبار اللعبة و التسريبات بينتشروا فى كل منصات الأخبار المعروفة ، فما بالك لما يبقى الكلام جى من صانع اللعبة نفسه! و كمان الكلام مش على لسان صحفى أو منشور فى جريدة لا دا حسابة الرسمى على تويتر

خلينا متفقين من الأول إن اللعبة جديدة فى كل شيئ ، جديدة فى الأفكار مع انها مش أول لعبة تستخدم نهاية العالم كأساس تتبنى علية كل أحداث اللعبة و طبعاً كلنا عارفين هورايزون زيرو داون و اللى بالمناسبة معمولة باستخدام نفس المحرك واللى مطوراه شركة جوريلا واللى اسمه ديسيما ، لكن العالم انتهى ازاى و ازاى الجنس البشرى صامد ضد الإنقراض هو دا الجديد و اللى بيعتبرة مجموعة من الناس ثورى و فريد من نوعه ، اللعبة جديدة فى أسلوب اللعب نفسه و اللى بيخليك ساعى بيوصل موارد بين القواعد و بعضها و بيواجة مخاطر كتير سواء من البيئة الصعبة أو من البشر المتمردين و مهمتك انك توصل الحاجة اللى معاك بأقل نسبة ضرر ممكنة

خلينا الأول نفهمك الدنيا ماشية إزاى فى عالم اللعبة

عالم لعبة Death Stranding

سلسلة إنفجارات كبيرة جداً فى الكوكب كلة ، اتسمت بعد كدة بـ ديث ستراندينج و تأثيرها مكانش على البشرية اللى قربت تنتهى ، لكن كمان أثرت على التكوين البيئى لعالمنا و اللى بسببة إندمج عالم الأحياء و عالم الأموات و بقى الخط الفاصل بين الحياة و الموت ظاهر و دا اللى سمح للمخلوقات اللى ماتوا انهم يعبروا لعالمنا الحقيقى و العكس ، دا غير الظواهر الغريبة اللى أصبحت موجودة و المخلوقات الخارقة اللى سحبت عدد كبير من البشر لعالم الأموات و بعدها ابتدت تلف الأرض عشان تخلى البشر كلهم فى عالم الأموات ، و طبعاً بما ان أى فعل ليه رد فعل فوجود الكائنات الخارقة دى فى عالم الأحياء بيظهر أثر جانبى خطير جداً و هو الـ تايم فال و هو عبارة عن مطر لو لمسه أى حد بيتقدم فى العمر بشكل سريع جداً و مخيف

اللعبة واخدة تقييمات عالية ، لو لسه ملعبتهاش ممكن تشتريها دلوقتى و تقولنا تقييمك الشخصى ليها


ArticleDeath stranding (ps4)Decima engineHideo kojimaKojima productions

Leave a comment

All comments are moderated before being published

Featured products

Mem. PriceSave 50 EGP
Shamy Stores Death Stranding (PS4) PS4 Game Kojima Productions Kojima Productions egypt
Death Stranding (PS4)
640 EGP 690 EGP
Mem. PriceSave 50 EGP
Shamy Stores The Last of Us Part 2 (PS4) PS4 Game Naughty Dog Naughty Dog egypt