رغم تخوف الناس من أي تغيير مفاجىء في الجزء الجديد إلا إن إعادة التطوير للجزء التاني قدرت تحافظ على جودة و جو وطابع اللعبة العام مع تغيير جذري للرسوم، الكاميرا، والتحكم بالإضافة لتغيرات في عالم اللعبة اللي متمركز حول مركز الشرطة واللي حواليه، دلوقتي نقدر نعتبرها لعبة جديدة كلياً بمزايا ولحظات من الجزء القديم
جرافكس اللعبة جميلة جداً، بإستخدام منظور الشخص الثالث مع عالم مليان بالتفاصيل ومؤثرات مميزة زي الإضاءة والغبار اللي بتخلق جو مرعب أكتر وأكشن أكتر متناغم وناتج عن قراراتك ونتايج تعاملك مع الأعداء .. زي الزومبيز اللي بيتأثروا بالعالم ومع طلقاتك عليهم، منهم اللي رجله بتتقطه فبيضطر يزحف، ومنهم اللي بيتعثر بالأعداء التانيين .. من زخم التفاصيل هتحس بواقعية التجربة
الثلاثة أجزاء الأولى بالإضافة للسابع بتفاصيلها المكثفة واللي هتستكشفها وتفتحها بالتدريج عن طريق حلك للألغاز والمهمات، لكن ماتنساش إن إدارة أمتعتك وأدواتك من الحاجات المهمة جداً زي إنك تشيل أسلحة أو رصاص أكثر أو إسعافاتك الأولوية وأدوات حل الألغاز، ومع الوقت خياراتك هتكون محدودة حسب المهمات والقوة الإستيعابية بتاعتك
التصويب كويس أوي لكن بتحتاج تضرب نار كتير عشان تقتل هدف واحد، ده غير إن في مؤثرات تانية بتمزج بين الأكشن وبين التسلل والهرب، مش لازم تعتمد على المواجهة المباشرة، بعض الأوقات هتضطر تهرب.
اللعبة نسبياً مش طويلة، لكن بتقدم النوعية على الكمية بشخصيتين زي ليون وكلير اللي ممكن تبدل في شخصياتهم بعد ما تخلص اللعبة
عامل الرعب في اللعبة ممتاز، زي مباغته الأعداء ليك والرعب من قتال الزعماء والعنف المصور بتفاصيل دقيقة .. كل ده هيخليك تعيش لحظة بلحظة في قلب الأحداث
الحقيقة ان اللعبة تجربة أكتر من رائعة .. لو لسه ملعبتهاش يبقى فايتك كتير أووى
