الفتره اللي فاتت انتشرت اخبار عن حصريات جديده نازله للPlaystation 5 عن طريق طلب توظيفات للأستوديوهات اللي بتشتغل مع سوني.
و من طلبات التوظيف دي اتضح ان في لعبتين عملاقتين جاري العمل عليهم حاليا و يعتبروا بدايه بس للسباق اللي Sony دخلاه مع نظيرتها Microsoft.
اللعبتين اللي بنتكلم عليهم انهارده هي أجزاء جديده من العاب سابقه, و هم الرائعه Bioshock. و اللعبه اللي باعت أسرع من أي لعبه نزلت السنه اللي فاتت Ghost of Tsushima.
احنا متحمسين جدا و خصوصا لتكملة القصه الاكثر من رائعه للعبة Ghost of Tsushima و متحمسين جدا اننا نتابع قصة Jin Sakai بطل اللعبه.
السباق و المنافسه الجيل دا قويه جدا لحد دلوقتي, و Micosoft بتحاول بأقصى طاقتها انها تنافس سوني و تعوض السنوات اللي فاتت في خسارتها السباق قدام سوني.
ولكن سوني بالتأكيد مش حتخلي الموضوع ساهل عليهم.