The Soulsborne Saga - سلسلة العاب السولزبورن
مع كامل احترامنا للألعاب اللي نزلت و بتنزل و بتحقق نجاحات منقطعة النظير. الا أن مفيش مخرج قدر يغير في مجال تطوير الألعاب و شكل صناعته غير المخرج العبقري Hidetaka Miyazaki شركة (From Software) , مخرج سلسلة العاب Dark Souls و Bloodborne. 

سلسلة العاب Dark Souls و Bloodborne و على غرارهم فيما بعد Sekiro: Shadows Die Twice قدرا يغيروا مفهوم الجيمنج عند كل الناس اللي قرروا يلعبوا اللعب دي. 

صعوبة اللعبه اللي ناس شايفاها مستحيله أو صعوبه مبالغ فيها هي في الحقيقه أسهل بكتير مما الناس تتخيل, لأنها بتعتمد على نوع معين في اللعب و طريقة تعلم نقدر نسميها Learning Curve و هي انك لازم تفهم خصمك بيعمل أيه كويس قوي قبل ما تواجهه عشان غالبا لو دخلت ضرب و تلطيش في الBoss Fights او حتى الEnemies العاديين, هتتعب و هتلاقي الموضوع صعب.

فلسفة Miyazaki في خلق عالم معتمد اعتماد أساسي على الأختيارات اللي بتاخدها و بيخلي العالم نفسه يتغير بناءا على القرارات دي في حد ذاتها هي فلسفة عبقريه.

و اللي بياخد باله من طريقة سرد الأحداث اللي بتبان سواء من الأحداث اللي بتتعرض على الشاشه قدامك أو من خلال قرايتك للحوار Dialogue أو لوصف الItems اللي بتلاقيها و تستخدمها هيعرف قد ايه قصص لعب Miyazaki تعتبر من أحسن القصص اللي اتعملت في تاريخ الألعاب و أكثرها فلسفيه (اللي تعتبر أحسن أنواع القصص). 

ناس كتير بدأت تتأثر بفلسفة Miyazaki في لعبه و طريقة تصميمها لدرجة أنهم بدأوا يصدروا العاب شبيها لها و في الأخر طلعوا ب Genre جديده تماما و نوع لعب مختلف تماما مكنش معروف قبل كدا و سموه (Souls-Like games) بالعربي (العاب شبيهه لألعاب السولز) تيمنا بالألعاب اللي عملها Miyazaki. 

عندنا أمثله لألعاب متأثره جدا بفلسفه Miyazaki و منها:

- Nioh 1 
- Nioh 2  
- Lords of the Fallen 
- Code Vein 
- Darksiders 3 
- Mortal Shell
 - Remnant: From the Ashes
- Salt and Sanctuary
- Star Wars Jedi: Fallen Order 

Leave a comment

All comments are moderated before being published