في وسط كل الألعاب الناجحه اللي تم اصدارها الجيل اللي فات. الا ان في العاب (برضو ناجحه جدا في رأيي) بس للأسف مكانتش محظوظه أو بسبب سوء الأداره محققتش النجاح المرجو منها. سواء كان النجاح دا مادي أو انه محصدش جوائز خلال الGame Awards. عشان كدا الList اللي معانا النهارده مش ضروري يكون فيها العاب فاشله من ناحية المبيعات, بس ممكن متكونش حققت جوائز (مستحقه) من وجهة نظري.
حابين نفكر كل الناس ان المواضيع اللي شبه موضوعنا النهارده وجهة النظر هي الحكم الأول و الأخير فيه, و مفيش رأي قاطع انه غلط أو صح. في الأخر, احنا بنلعب و بنستمتع باللي شايفينه مناسب لأذواقنا المختلفه.
حابين نفكر كل الناس ان المواضيع اللي شبه موضوعنا النهارده وجهة النظر هي الحكم الأول و الأخير فيه, و مفيش رأي قاطع انه غلط أو صح. في الأخر, احنا بنلعب و بنستمتع باللي شايفينه مناسب لأذواقنا المختلفه.
هنبدأ الList ب:
Bloodborne
رغم نجاح مبيعات لعبة Blodborne الساحقة. و رغم ان في ناس كتير ( و أنا منهم) اشتروا Playstation 4 مخصوص للعبه دي. الا ان Bloodborne محققتش تقريبا غير جائزه واحده. الجدير بالذكر ان Bloodborne لعبه ممكن يتم تدريسها ككيفية تصمم مراحل و Boss Fights و كمان بيئه اللعبه نفسها بتعيشك احساس مختلف. مش كدا و بس اللعبه فيها أحسن موسيقى ممكن أكون سمعتها في لعبه في حياتي (تاني أحسن بعد لعبه تانيه معانا في الList) خصوصا في الDLC اللي يعتبر واحد من أحسن الDLCs اللي نزلت في تاريخ اللعب. و لو سألت أي حد لعب Bloodborne عالDLC حيعترفلك انه لازم يتلعب و أنه يعتبر لعبة تانيه فوق اللعبه الاٍساسيه.
Titanfall 2
ستوديو Respawn قدملنا واحده من أحسن الFPS اللي نزلت الجيل اللي فات, و ممكن كمان في التاريخ. و الجدير بالذكر ان Respawn هو نفس الستوديو اللي عمل بعدها لعبة Apex Legends. لعبة Titanfall 2 قدمت gameplay عبقري مع قصه رائعه, و level design هايل. التجربه كانت كلها ناجحه لأي شخص جرب اللعبه و لعبها. و لكن رغم التصميم الأكثر من رائع الا ان اللعبه محققتش المبيعات المطلوبه, و عشان كدا شركة EA المالكه لستوديو Respawn قرروا انهم يأجلوا تطوير Titanfall 3 و اشتغلوا على Apex Legends بدالها.
Nier: Automata
سواء كنت بتحب الAnime أو لأ. انا شخصيا مش من محبي الأنمي اطلاقا. و كنت فاكر اول لما اللعبه دي نزلت انها شبه العاب الأنمي. كنت غلطان. Nier: Automata ممكن نصنفها على انها من أعظم الألعاب اللي نزلت الجيل دا. في الواقع, هي من أعظم الألعاب اللي اتعملت في التاريخ. عبقريه كامله ظهرت في تصميم المراحل. في القصه اللي هتخليك تسأل أسئله عمرها ما خطرت في بالك. اللعبة دي حتعيشك تجربه ببساطه مفيش لعبة تانيه هتقدر تعيشهالك, على الأقل في وقتنا الحالي. دا غير الموسيقى اللي بالفعل, تعتبر أحسن موسيقى اتعملت لأي لعبه لعبتها في حياتي. (هي دي اللعبه اللي كان قصدي عليها). للأسف Nier: Automata محصلتش على جوائز غير جائزة أحسن موسيقى خلال مسابقة الGame Awards و دا كان محل أسئله كتيره جدا للناس اللي لعبت اللعبه. أنها ازاي مخدتش لعبة العام Game of the year award.
Days Gone
اختلفت الأراء و الكلام عن اللعبه دي. بس الحقيقه اللي محدش يقدر يعترض عليها انها قدمت واحده من اكتر التجارب المختلفه للZombie Games. من حيث طريقة معاملتك مع المواقف اللي بتتحط فيها و طريقة مخالطة الزومبي بيك و بالعالم نفسه. لكن للأسف اللعبه محققتش المبيعات اللي سوني كانت عايزاها و عشان كدا قرروا الغاء الجزء التاني من اللعبه. و لكن الكثير من اللاعبين وقعوا وثيقه اونلاين بيطالبوا بيها سوني باصدار جزء ثاني من اللعبه و اعطائها حقها.
Cyberpunk 2077
Cyberpunk 2077
طبعا Cyberpunk 2077. أكبر أصدار حصل عليه خلاف وجدل الجيل دا. Cyberpunk 2077 أول ما نزلت كان فيها مشاكل و دي حقيقه. بس لو جينا نتكلم عن اللعبه نفسها اذا تغاضينا عن المشاكل التقنيه دي. حنلاقي ان اللعبه فعلا حلوه, و تعتبر من أحسن الألعاب اللي لعبتها الجيل دا شخصيا. سواء قصة اللعبه أو طريقة كتابه الشخصيات والgameplay نفسه. غير المهمات الأساسيه و الفرعيه اللي أكتر من رائعه و كمان المهمات الفرعيه اللي فعلا تحسها أساسيه من كتر ما هي متقنة الصنع. للأسف اللعبه دي عانت بسبب سوء الاداره لشركة CD Projekt Red الفتره دي, و بسبب ضغط المستثمرين. و الجدير بالذكر ان اللعبه حققت مبيعات منقطعة النظير رغم المشاكل اللي كانت بتعاني منها. و أنا بقول كانت عشان المطورين و الشركه بالفعل نزلوا Updates تعالج كتير جدا من المشاكل اللي كانت موجود. و اللعبه بالفعل ادائها أفضل كتير جدا عن وقت الاصدار. مش كدا بس, دا كمان اعلنوا انهم حينزلوا 9 DLCs ببلاش تماما. عشان يعتذروا للناس و عشان الناس تعيش التجربه اللي كانو مستنينها.