What are Roguelike games? - ؟Roguelike ما هي العاب ال

نوع العاب كتير مننا بيلعبها بس منعرفش المصطلح بتاعها ولا خصائصها بالظبط, اللعب دي اسمها Roguelike.

العاب الRoguelike هي نوعية العاب تم تسميتها على لعبه في الثمانينات اسمها Rogue و اللعبه كانت عباره عن ان في Dungeon انت المفروض توصل لأخره عشان تسترجع قلاده معينه.

من خصائص اللعبه دي بالذات ان موتك بيرجعك لنقطة الصفر, زي ما بدأت تماما. بتخسر كل حاجه جمعتها, سواء موارد, أسلحه, او حتى Skills اتعلمتها.

بس الفكره الأهم وراء النمط دا من الألعاب, ان كل مره بتموت فيها و تعيد اللعبه من الأول, بتعيد اللعبه بس بصوره مختلفه و اللعبه مش بتبقى بنفس تصميم المراحل.

دا بيتيح لللاعبين استكشاف حاجات مكتشفوهاش في أول مره جربوا اللعبه, و بيخلي أشكال المراحل تختلف و ممكن كمان تطلع بأدله كتيره جديده تخدم القصه.

في العاب كتير جدا لعبناها بتندرج تحت مسمى الRoguelike زي:

- Dead Cells
- The Binding of Isaac
- Hades
- Spelunky
- Darkest Dungeon ( و تعتبر لعبه صعبه جدا)
- Returnal