MMORPG أسباب موت العاب ال
العاب الMMORPG و هو الاختصار ل massively multiplayer online role-playing games, تعتبر واحده من أقدم أنواع الألعاب اللي تم تطويرها.

مع أول اصدار للعبة نقدر نعتبرها بمفهومنا الحالي MMO و هي لعبة The Realm Online عام 1996. اللعبة دي لا تعتبر أولى العاب الMMORPG و لكن في قبلها كمان, و لكننا بنعتبرها أول لعبة MMORPG اتّبعت النهج الصحيح في التطوير.

مسألتش نفسك, ليه واحده من أقدم و أشهر الGenres في عالم الGaming بتموت؟ و نادرا لما نسمع عن تطوير جديد لأي لعبة على نفس النهج؟

كتير مننا لعبوا العاب MMO كتيره, منها Silkroad Online اللي كانت أشهر من نار على علم و تحديدا في السوق المصري, و لعبنا لعبة Runescape و برضو أنجح ألعاب الMMORPG و اللي لسه ناجحه لحد هذه اللحظة لعبة World of Warcraft.

بالرغم من نجاح الألعاب دي الا انها بدأت تنتهي و دا لأسباب كثيره حنناقش بعضها في هذا المقال.

السبب الأول:

الجيل اللي أدمن هذا النوع من الألعاب هو نفسه الجيل الكبير في السن حاليا. و هو الجيل المدرك تماما حجم الوقت اللي بتحتاجه العاب الMMORPG عشان تقدر تنافس فيها. رفاهية الوقت لم تعد متوفره كما كانت من قبل. 

السبب الثاني:

متطلبات الألعاب حاليا عشان تكون ناجحه و مشهوره في السوق, مختلفه عن زمان. الألعاب الحاليه عشان تقدر تعجب مجموعه كبيره من الناس لازم يكون فيها حبكه للقصه كويسه, مع شخصيات نرتبط بيهم و يأثروا فينا مع نظم لعب متطوره و جرافيكس عاليه و دا كله صعب تحقيقه من الناحيه التقنيه مع المحافظه على ثبات اللعبه في لعبة عالم مفتوح فيها أكثر من الاف اللاعبين.

السبب الثالث:

العاب الMMORPG ربحها امر غير سهل, و العائد اللي بيجي منها مش دائما بيكون كافي لاستمرارية الخدمه. عشان كدا في أغلب الأحيان الsevers بتقفل عشان مش بتجيب عائد كافي لاستكمال الخدمه. دا غير ان لو حاول المطورون اضافة Microtrasnactions لللعبة كskins أو pets أو ما شابه, بيلاقوا رد عنيف جدا من اللاعبين. و ساعتها بيكون الاختيار الثاني وهو جعل اللعبه متاحه و لكن باشتراك شهري, مثل World of Warcraft أو لعبة Final Fantasy 14 و دا السبب الرئيسي لاستمرار اللعبتين دول بشكل خاص عن العاب الMMO الاخرى و لكن للأسف دفع اشتراك شهري للعبه هو أمر مرفوض بالنسبه للكثير من اللاعبين.

السبب الرابع:

من الصعب التجديد في نمط العاب الMMORPG دون كسر ركائز هذا النوع من الألعاب. و اللي نقصده من الجمله دي ان من الصعب جدا تقديم الجديد من الأفكار التي تتلاءم مع ما يريده اللاعبين الحاليين منغير ما نغيّر فكرة الMMORPG. اللاعبين دلوقتي بيفضّلوا ان العالم يتفاعل معاهم بالشكل اللي هم يختاروه بناءا على اختياراتهم في اللعبه و لكن العاب الMMO بتجعل اللاعبين هم اللي يتغيروا تبعا للعالم و تبع الركائز الجديده اللي بيضيفها المطورون.

الأسباب دي تعتبر هي الأسباب الرئيسيه اللي خلت و احده من أشهر و أحبب الGenres في العالم على شفى الموت.
MmorpgSilkroadWorld of warcraft

Leave a comment

All comments are moderated before being published