مصطلحين ناس كتير بيخلطوهم و ناس ممكن ميكونوش عارفينهم. العاب الOpen World و العاب الSandbox.
قبل ما نبدأ نشرح الفروق بين المصطلحين, لازم نفهم بيمثلوا ايه.
العاب الOpen World:
العاب الOpen World أو العالم المفتوح هي زي ما الاسم بيوضح بالظبط العاب في الغالب لا تعتمد على نظام اللعب الخطي (Linearity) و لكنه بيفضل توفير حرية الاختيار لللاعبين في تحديد وجهتهم و الطريقه اللي يقدروا يستكشفوا بيها العالم دا, مع توفير وسائل تنقل في العالم تربط بين الأماكن بعضها البعض.
العاب الSandbox:
لو رحت حديقة العاب للأطفال, غالبا هتلاقي مكان بيكون في رمال, الأطفال يقدروا يلعبوا بيها و يشكلوها بالأدوات بالشكل اللي عايزينه. و من هنا بتيجي تسميه الSandbox أو (صندوق الرمال) اللي بيتيح لللاعب مش بس استكشاف عالم شاسع, لأ, دا كمان بيتيح له انه يغير في العالم دا و يضيف و يعدل عليه. و بدل ما يكون جزء بسيط في قصة العالم دا, بيكون مؤثر بشكل أو باخر في العالم نفسه.
سبب خلط ناس كتير للمصطلحين دول ان نمط الألعاب في كلا الحالتين بيكون عالم مفتوح. و عشان كدا نقدر نقول, ان كل لعبة Sandbox هي Open World و لكن مش كل لعبة Open World هي Sandbox.
و الخلط دا للأسف, ظلم العاب كتير, منها اللعبه اللي بعتبرها شخصيا واحده من أفضل الألعاب و هي Cyberpunk 2077, بغض النظر عن المشاكل التقنيه اللي اللعبه بتعاني منها, الا ان السبب الرئيسي لسخط الجمهور على اللعبه هو مقارنتهم المستمره بينها و بين لعبة GTA و هي مقارنه خاطئه, لأن بينما ان اللعبتين بيتشاركوا خصائص بينهم, الا ان فيه عامل ضخم جدا فارق بينهم, ان واحده فيهم بتشمل عناصر الSandbox Games و التانيه مجرد Open World فقط, زيها زي The Witcher مثلا.
و لكن على سبيل المثال لو جينا نقارن عوامل الSandbox بين GTA و مثلا لعبة Just Cause أو Saints Row, هنلاقي ان عناصر الSandbox في GTA أضعف بكتير عن اللعبتين التانيين بس دا مش معناه ان GTA لعبه أسوأ, دا معناه ان توجهات اللعبه نفسها مصبوبه في اتجاه معين أكثر عن التاني.
و في النهايه نقدر نضيف نصيحه مهمه لأي Gamer و هي انك تلعب اللعبه اللي شايفها مناسبه ليك و متقارنهاش بلعبه تانيه عموما, لأن كل لعبه بيكون وراها فلسفه معينه أو احساس معين المطورين عايزين يوصلهولك. و مقياس نجاح أو فشل اللعبه يكمن في لأي درجه نجحت اللعبه توصل اللي المطورين عايزين يوصلوه.
قبل ما نبدأ نشرح الفروق بين المصطلحين, لازم نفهم بيمثلوا ايه.
العاب الOpen World:
العاب الOpen World أو العالم المفتوح هي زي ما الاسم بيوضح بالظبط العاب في الغالب لا تعتمد على نظام اللعب الخطي (Linearity) و لكنه بيفضل توفير حرية الاختيار لللاعبين في تحديد وجهتهم و الطريقه اللي يقدروا يستكشفوا بيها العالم دا, مع توفير وسائل تنقل في العالم تربط بين الأماكن بعضها البعض.
العاب الSandbox:
لو رحت حديقة العاب للأطفال, غالبا هتلاقي مكان بيكون في رمال, الأطفال يقدروا يلعبوا بيها و يشكلوها بالأدوات بالشكل اللي عايزينه. و من هنا بتيجي تسميه الSandbox أو (صندوق الرمال) اللي بيتيح لللاعب مش بس استكشاف عالم شاسع, لأ, دا كمان بيتيح له انه يغير في العالم دا و يضيف و يعدل عليه. و بدل ما يكون جزء بسيط في قصة العالم دا, بيكون مؤثر بشكل أو باخر في العالم نفسه.
سبب خلط ناس كتير للمصطلحين دول ان نمط الألعاب في كلا الحالتين بيكون عالم مفتوح. و عشان كدا نقدر نقول, ان كل لعبة Sandbox هي Open World و لكن مش كل لعبة Open World هي Sandbox.
و الخلط دا للأسف, ظلم العاب كتير, منها اللعبه اللي بعتبرها شخصيا واحده من أفضل الألعاب و هي Cyberpunk 2077, بغض النظر عن المشاكل التقنيه اللي اللعبه بتعاني منها, الا ان السبب الرئيسي لسخط الجمهور على اللعبه هو مقارنتهم المستمره بينها و بين لعبة GTA و هي مقارنه خاطئه, لأن بينما ان اللعبتين بيتشاركوا خصائص بينهم, الا ان فيه عامل ضخم جدا فارق بينهم, ان واحده فيهم بتشمل عناصر الSandbox Games و التانيه مجرد Open World فقط, زيها زي The Witcher مثلا.
و لكن على سبيل المثال لو جينا نقارن عوامل الSandbox بين GTA و مثلا لعبة Just Cause أو Saints Row, هنلاقي ان عناصر الSandbox في GTA أضعف بكتير عن اللعبتين التانيين بس دا مش معناه ان GTA لعبه أسوأ, دا معناه ان توجهات اللعبه نفسها مصبوبه في اتجاه معين أكثر عن التاني.
و في النهايه نقدر نضيف نصيحه مهمه لأي Gamer و هي انك تلعب اللعبه اللي شايفها مناسبه ليك و متقارنهاش بلعبه تانيه عموما, لأن كل لعبه بيكون وراها فلسفه معينه أو احساس معين المطورين عايزين يوصلهولك. و مقياس نجاح أو فشل اللعبه يكمن في لأي درجه نجحت اللعبه توصل اللي المطورين عايزين يوصلوه.